/// قلب فيه المحبه عامره ///

[شموخي بعزتي]

السلام عليكم ورحمة الله وبركاته
وأسعد الله جميع أوقاتكم بالخير واليمن والبركات وعاطر النفحات وبعد .


مع أطيب تحاياي وفائق ودي وتقديري لكم جميعاً .

لو جميع الناس في طيبتـك كـان الديـار
فـي جميـع اقطارهـا بالمحبـه عامـره
ماسمعنا ارهاب وحزام ناسـف وانفجـار
ماسمعنـا الا رقيـق المشاعـر غـامـره
من سمع تغريد صوتـك تغشـاه انبهـار
ضيع علومـه وسـرى عيونـه ساهـره
تخرجينه عن مساره ويدخـل فـي مسـار
مـادرى هـو بـاول الـدرب والا باخـره
يتخيـل صورتـك تشـرق بليلـه نهـار
وبنـهـاره يتخيـلـك ليـلـه مـاطـره
في سموم القيظ لافك مـن غيـظ الـزرار
زارته من بـرد روضـك نسايـم عاطـره
ياشقى شاعر تـردد عجـز ياخـذ قـرار
ماقدر يكشـف مضاميـن مافـي خاطـره
صرت اشك إني انا الشاعر اللي له يشـار
بالبنـان إن بـان فالكـل شعـره خابـره
فـي تفـرد مفـرده منتقيهـا باعتـبـار
اختيـار الفـاظ جزلـه بديعـه سـاحـره
والمعاني والصـور تحترينـي بانتظـار
من قواميـس الميحـط المديـد الزاخـره
تنهمر مثل المطر لحظة ادعيهـا انهمـار
فـي توافـق متسـق ماتجـي متنافـره
شاعـرٌ مـازرت ساحـات مزمـارٌ وزار
مالـي الا الطـيّـب يـزورنـي وازاوره
وان صدفت النذل فريت عن قربـه فـرار
عنه مستغني ببيـض الوجيـه الزاهـره
يكفي اني اخترت ما احترت ادور في الديار
واكتفيـت بقلـب فيـه المحبـه عـامـره

[جريح المشاعر]

قصيده في قمه الجمال والروعه .. ولا يكتب الكلمات هذه اللي الذي يمتلك داخله شاعر يتمتع به

القصيده موزونه ومقفاه والبحر اللي كتبتي عليه صعب شوي (( بحر الهلالي )) لكن انت كفوو

يعطيك العافيه واتمنى لك المزيد من التألق والابداع والى الامام

[الواصل]

اسمح لي ابدي اعجابي بقلمك وتميزك واسلوبك الراقي وتالقك

[الـقـنـآص]

يسلموووو على الطرح يالغلا
يعطيك الف عافيه
ننتظر جديدك
تحياااااتي