أمووت بحبك

[شموخي بعزتي]

أنا حزن القصيد اللي على اوطان الحزن حلّت
بياضك ياورق دربي وكن الحبر أقدامي

***

أنا غيمة شقا منها ملامح جرحي ابتلّت
أعاني طعنة الوحده واصاحب ظلي الدامي

***

سيوف الياس من حرب الزمن في وجهي انسلّت
سيول الغدر من خلفي ورياح الظلم قدامي

***

حملت هموم لو ترقى الجبال الراسيه اختلّت
أنا مدري على همي وش اللي صبّر عظامي ؟

***

أنا اللي دنيتي مني قبل لا اشوفها ملّت
كبرت وماتحقق لي فعمري أصغر احلامي

***

أشوف ان الفرح طفلٍ بوقتي يدّه انشلّت
وانا صرت اجمع بيدّي دموعي ونزف أقلامي

***

بكى في داخلي قلبي وروحي كنها ولّت
زماني طاح من عيني ويبست نبتة اعوامي

***

بقى فيني جسد خالي وعينٍ تسهر وهلّت
وحروفٍ ضايعه مابين معنى الحزن والهامي

***

أحس البسمه في شفاتي سجينة صمت وانذلّت
وانا حيّه ورثني الهم واستولى على اقسامي

***

أنا صحرا أمل ماشفت غيمه لاجلها طلّت
هجرني الناس واندثرت على وجه الثرى خيامي


منقوول
اعجبتني ونقلتها لكم

[الـقـنـآص]

كلمات وقف عليها الليل يتأمل كلمات هاج البحر منها
كلمات تمطر السماء من أجلها كلمات ينزف القلب منها ويتكسر
صح لسآنك ولسآن شآعرهآ

[جريح المشاعر]

قصيده تدل على البوح الصامت الذي سرعان مايفوح اجباريا

قصيده تدل على الخيال الواسع لصاحبها

لك جزيل الشكر على هذه القصيده