عبادي
13-09-2009, 11:19 PM
السلاااااااااااااااااااااااااااام
اخواني واخواتي الانترنتيين
حمدو طربان <<< خويي ايام الابتدائي... كنت ازرف دفتره ( علوم فصل ) اخر الترم ...
كيف الحال طيبين ان شاء الله ... والله مدري في رمضان احس ابيلس يحبني زود مدري لية ... الله من مره يقرد
فيني افتح الثلاجة الصبح وانا طالع للدوام ... وان اقول لالالا يابليس ماتصور الميانة بينا للدرجة ذي ... قال يارجال
من زين صومك الحين انت ووجهك ... <<< الحديث السابق كل صبح يتكرر ...
ماعلينا ... قبل كم يوم جاني ولد عمي وكنت في اسوا حالاتي النفسية والمادية والاجتماعية و ال... كلش مره مره
... وسواليف الا ان جاء بسالفة تذكر يوم نفطر على فول ومربى ولبن <<< الله من زين الفطور يالدبش .
من زمااااان انا وولد عمي وصتنا امي بعد صلاة العصر نروح للبقالة ونجيب مقاضي ورحنا بالسيكل ... يازين
سيكلي منول مسجل وشطرطونات ولمبات وزينة باقي ونش ودف لك ....
ونروح للبقالة ومركب ولد عمي على الماصورة اللي بين المرتبة والدركسون << سيكلي اركبة في اللي ابي .
ودخلنا البقالة وشرينا المقاضي وولد عمي يناظر صور الحريم في المجلات لامر يحتفظه لنفسه بارك الله فية .
المهم قالي ناسوي وش رايك نفطر ترانا جايعين << لاحظ عزيزي العضو ان ولد عمي استخدم صيغة المثنى وما
ادري وش دراه اني جايع .... عموماُ
قلت وش تبي ناخذ ... انا علبالي كيكة نقولبها ورا البقالة وقضينا ... ابو الشباب شرا فووووول + مربى + خبز بر ولبن ... وقلت مهبول انت تبينا ننفضح ... قال ماعليك بس ورجعنا للبيت معنا المقاضي ...
وفي طريق الرجعه لازم ندور هندي يغسل موتر نشب علية صاروخ ولا نرجمه ولا نكب سطله المهم نستاثم فية وحط
رجلك ياولد ويازين شوارع الشمال كلها دحادير . ولا تقابلك طلعه ويجيك شد عضلي في الصفاق
دخلنا البيت ولد عمي قال رح ود المقاضي وانا احتريك في الحمام الي برا ... انا قمطت ام العاافية قلت ما اتفقنا على
هذا الفطور اتفاقنا فول وخبز بر .... غيرت رايك ... قال انت تعال وبس ... المهم وانا مقفى قال جب صحن ومفك صلصه .
وجبت الصحن والمفك ولا ابو الشباب مضبط الدعوى وكبينا الفول في الصحن وكبينا فوقة المربى ... انا حامت تسبدي وقال ماعليك هذي خلطتى السرية <<< مادمرنا الا خلطاتك الله ياخذ راسه .
وقعدنا ناكل وعينا من الله خير في هالحمام ومن زود الفلة كل واحد فضفض للثاني همومة . ناقصنا شنبات ونصير صراصير.
ولد عمي فل الدعوى وانسدح وقام يسولف عن بنت جيرانهم وانا تحبة وتقول لو ماتتزوجني ابجيب الشوزن حق
ابوي وابثور فيك <<< مشكلة قبائل.
ومن زود السواليف استحى وقام يسحب حبل السيفون برجلة ويقول تهقى لو تثور فيني ابموت ...
وبينما انا العق اخر جغمه من اللبن .. قلت مهبول انت تزوجها لا تموت .
طق طق طق ....
طق طق طق ....
طق طق طق
باب الحمام يطق .. ابوي من اللي فية
بغينا نستفرغ من الخرعه
وش نقول وش نسوي تكلم ولد عمي بصوت مبحوووح من الرعب والخوف ورائحه الفول تملا المكان بينما انا اجمع
القواطي بشوييييييييش قال لبيه ياعمي <<< حتى في الحمام اخلاق .
قال زين اشوا .
راح ابوي وطلعنا معرقين انا انسدحت في الملحق على بالي نايم ولا ادري وش السالفة
وولد عمي راح لم النخله على باله يسقيها ... ماوقف لين اذان المغرب الن ما قضى الخزان .
يوم جاء الفطور ولاحن شبعاااانين مره . لاكن من وصية ابن عمي المحنك انك لازم تاكل على شان مايحسون وسمينا هذي الخطة خطة التخفى الكبير .
ولط من الشوربة ولطييينا قامت تنقط مع خشومنا .... الناس يناشقون ؟؟؟ وانا والثور ولد عمي نناشق شوربة مع لومي .
مشهد بعد صلاة المغرب /
بينما نحن نفقع صواريخ عند المسجد ولا يطلع ذاك الولد اللي وش حليلة مربرب وشعره ناعم وريحته زينة بالعربي ولد نعمه ... مهوب مثلنا يفطر في حمام . ولد عمي يناظره ويقول شكل راسه مافية ولا فلقه ... لانه متعقد من راسة فية فلقتين في نفس المكان ... واذا سئلته قال اللي فالقني الاولى هو نفسة اللي فالقني الثانية ... يده راكده .
المهم ونرجمه ويرجمنا نلعب معه ... طلع ابوه ويناضرنا ويضحك ويقول وين ساكنين وش اساميكم << الظاهر يبي يبلغ الشرطة على شان مانماشي ولده ..
وانا اقول تراهم خقوا مع ترجيمي وقلت للثور اللي معي اخليهم يخقون صدق .. ونسفهم بذيك الحصاه المسطوعه ...
ونسمعه يهاوش ونسمع صكت باب موترة ولاه جاينا طااااير ما امدانا ننحاش ... وفكرنا برهه من الزمن ماذا نسوي
.. قلنا مابدهاااش صح بس ... وندن ابووووووهاااا ,,, هو شطفنا راااايح ماوقف ... سكتنا ... مع نشقة بسيطه
وحطيناها رجل للبيت
مشهد صلاة العشاء /
الولد اللي لعبنا معه بعد صلاة المغرب جاي المسجد ولاف راسة بشاش وابوه يقولنا لو لعبتو مع ولدي اقطع رقبتك
<<< شكيت ان ابوه نكهة وانا الاملس .... لاني سمعته يكلم نفسة ويقول اذا عادها مرتن اخرى ابشربهم خردل
الخردل / المشروب الروحي حق نكهه الديزل... ومايشربه الا من تحل علية اللعنة والغضب واكثر اللي شربوة تلقونهم في مستشفى الامل ولا شهار ...
وهذا رمضان يجي الحين ولا له طعم زي اول ... مافية فطور فول مع مربى ولا احد نرجمه ...
حتى اخواني وعيال اخوي اشوفهم مهوب مثلنا منول ... والفرق بختصار /
1 / هم تلقى في يدينهم قيم بوي وفي مخابيتهم اشرطه القيم .... حنا منول / في يدك نبيطة ومخباتك مصاقيل .
2 / هم شعورهم وش زينها ووجيهم تفتح النفس .... حنا منول / ماقد شفنا شعورنا مكينة نمرة 2 .
وهاااي كووول السوووالااافيييه ... وتصبحون على خيييير
اخواني واخواتي الانترنتيين
حمدو طربان <<< خويي ايام الابتدائي... كنت ازرف دفتره ( علوم فصل ) اخر الترم ...
كيف الحال طيبين ان شاء الله ... والله مدري في رمضان احس ابيلس يحبني زود مدري لية ... الله من مره يقرد
فيني افتح الثلاجة الصبح وانا طالع للدوام ... وان اقول لالالا يابليس ماتصور الميانة بينا للدرجة ذي ... قال يارجال
من زين صومك الحين انت ووجهك ... <<< الحديث السابق كل صبح يتكرر ...
ماعلينا ... قبل كم يوم جاني ولد عمي وكنت في اسوا حالاتي النفسية والمادية والاجتماعية و ال... كلش مره مره
... وسواليف الا ان جاء بسالفة تذكر يوم نفطر على فول ومربى ولبن <<< الله من زين الفطور يالدبش .
من زمااااان انا وولد عمي وصتنا امي بعد صلاة العصر نروح للبقالة ونجيب مقاضي ورحنا بالسيكل ... يازين
سيكلي منول مسجل وشطرطونات ولمبات وزينة باقي ونش ودف لك ....
ونروح للبقالة ومركب ولد عمي على الماصورة اللي بين المرتبة والدركسون << سيكلي اركبة في اللي ابي .
ودخلنا البقالة وشرينا المقاضي وولد عمي يناظر صور الحريم في المجلات لامر يحتفظه لنفسه بارك الله فية .
المهم قالي ناسوي وش رايك نفطر ترانا جايعين << لاحظ عزيزي العضو ان ولد عمي استخدم صيغة المثنى وما
ادري وش دراه اني جايع .... عموماُ
قلت وش تبي ناخذ ... انا علبالي كيكة نقولبها ورا البقالة وقضينا ... ابو الشباب شرا فووووول + مربى + خبز بر ولبن ... وقلت مهبول انت تبينا ننفضح ... قال ماعليك بس ورجعنا للبيت معنا المقاضي ...
وفي طريق الرجعه لازم ندور هندي يغسل موتر نشب علية صاروخ ولا نرجمه ولا نكب سطله المهم نستاثم فية وحط
رجلك ياولد ويازين شوارع الشمال كلها دحادير . ولا تقابلك طلعه ويجيك شد عضلي في الصفاق
دخلنا البيت ولد عمي قال رح ود المقاضي وانا احتريك في الحمام الي برا ... انا قمطت ام العاافية قلت ما اتفقنا على
هذا الفطور اتفاقنا فول وخبز بر .... غيرت رايك ... قال انت تعال وبس ... المهم وانا مقفى قال جب صحن ومفك صلصه .
وجبت الصحن والمفك ولا ابو الشباب مضبط الدعوى وكبينا الفول في الصحن وكبينا فوقة المربى ... انا حامت تسبدي وقال ماعليك هذي خلطتى السرية <<< مادمرنا الا خلطاتك الله ياخذ راسه .
وقعدنا ناكل وعينا من الله خير في هالحمام ومن زود الفلة كل واحد فضفض للثاني همومة . ناقصنا شنبات ونصير صراصير.
ولد عمي فل الدعوى وانسدح وقام يسولف عن بنت جيرانهم وانا تحبة وتقول لو ماتتزوجني ابجيب الشوزن حق
ابوي وابثور فيك <<< مشكلة قبائل.
ومن زود السواليف استحى وقام يسحب حبل السيفون برجلة ويقول تهقى لو تثور فيني ابموت ...
وبينما انا العق اخر جغمه من اللبن .. قلت مهبول انت تزوجها لا تموت .
طق طق طق ....
طق طق طق ....
طق طق طق
باب الحمام يطق .. ابوي من اللي فية
بغينا نستفرغ من الخرعه
وش نقول وش نسوي تكلم ولد عمي بصوت مبحوووح من الرعب والخوف ورائحه الفول تملا المكان بينما انا اجمع
القواطي بشوييييييييش قال لبيه ياعمي <<< حتى في الحمام اخلاق .
قال زين اشوا .
راح ابوي وطلعنا معرقين انا انسدحت في الملحق على بالي نايم ولا ادري وش السالفة
وولد عمي راح لم النخله على باله يسقيها ... ماوقف لين اذان المغرب الن ما قضى الخزان .
يوم جاء الفطور ولاحن شبعاااانين مره . لاكن من وصية ابن عمي المحنك انك لازم تاكل على شان مايحسون وسمينا هذي الخطة خطة التخفى الكبير .
ولط من الشوربة ولطييينا قامت تنقط مع خشومنا .... الناس يناشقون ؟؟؟ وانا والثور ولد عمي نناشق شوربة مع لومي .
مشهد بعد صلاة المغرب /
بينما نحن نفقع صواريخ عند المسجد ولا يطلع ذاك الولد اللي وش حليلة مربرب وشعره ناعم وريحته زينة بالعربي ولد نعمه ... مهوب مثلنا يفطر في حمام . ولد عمي يناظره ويقول شكل راسه مافية ولا فلقه ... لانه متعقد من راسة فية فلقتين في نفس المكان ... واذا سئلته قال اللي فالقني الاولى هو نفسة اللي فالقني الثانية ... يده راكده .
المهم ونرجمه ويرجمنا نلعب معه ... طلع ابوه ويناضرنا ويضحك ويقول وين ساكنين وش اساميكم << الظاهر يبي يبلغ الشرطة على شان مانماشي ولده ..
وانا اقول تراهم خقوا مع ترجيمي وقلت للثور اللي معي اخليهم يخقون صدق .. ونسفهم بذيك الحصاه المسطوعه ...
ونسمعه يهاوش ونسمع صكت باب موترة ولاه جاينا طااااير ما امدانا ننحاش ... وفكرنا برهه من الزمن ماذا نسوي
.. قلنا مابدهاااش صح بس ... وندن ابووووووهاااا ,,, هو شطفنا راااايح ماوقف ... سكتنا ... مع نشقة بسيطه
وحطيناها رجل للبيت
مشهد صلاة العشاء /
الولد اللي لعبنا معه بعد صلاة المغرب جاي المسجد ولاف راسة بشاش وابوه يقولنا لو لعبتو مع ولدي اقطع رقبتك
<<< شكيت ان ابوه نكهة وانا الاملس .... لاني سمعته يكلم نفسة ويقول اذا عادها مرتن اخرى ابشربهم خردل
الخردل / المشروب الروحي حق نكهه الديزل... ومايشربه الا من تحل علية اللعنة والغضب واكثر اللي شربوة تلقونهم في مستشفى الامل ولا شهار ...
وهذا رمضان يجي الحين ولا له طعم زي اول ... مافية فطور فول مع مربى ولا احد نرجمه ...
حتى اخواني وعيال اخوي اشوفهم مهوب مثلنا منول ... والفرق بختصار /
1 / هم تلقى في يدينهم قيم بوي وفي مخابيتهم اشرطه القيم .... حنا منول / في يدك نبيطة ومخباتك مصاقيل .
2 / هم شعورهم وش زينها ووجيهم تفتح النفس .... حنا منول / ماقد شفنا شعورنا مكينة نمرة 2 .
وهاااي كووول السوووالااافيييه ... وتصبحون على خيييير